Romalen,

O manusa sa saj te pacan! Savi na religija saj te len! Jekh etnosi saj te ovel ole save na religije, a achola adava so si, thaj dji ko meriba akharela tradicikane karakteristike pere etnosesere, palo kaste aver manusa pendjarena ole thaj palo dajekh bidjuko ole djanena.

Amari baht sine but kotrovali. Sarinendara diso lelam, a arakljam diso palo soste o manusibe pendjarela amen. Pendjarde sijam pali MUZIKA, THAJ PALO BIDJUKJA SO SI KARAKTERISTIKANE E ROMENGE, A ADALA SI O ERDELEZI, VASULICA THAJ I BIBIJA. hem ola si averengere - amaro niso nane - amarestar nasa, sose sijam nasvale!

MA TE OVEN DISAVE ROMA POBARE MUFTIJE KOTAR O KHORAJA, PO BARE MUSLIMANJA KOTAR O MANUSA KOLENDAR LELE O MUSLIMANLUKO.

ROMALEN ACHOVEN MUSLIMANJA, POPALAL MA BISTREN SO SI SHERUNO, TUMEN SIJEN ROMA.

O ANAV HERDELEZI, NANE LAFI ROMANO, ADAVA SI KHORANO, CHIVEN TUMENGE KI GODI SO O ROMA CHIVENA PERE DJIVDIPASERE ELEMENTJA, KARAKTERISTIKE
SA DAJEKHE ADETESE, THAJ KERENA OLE TE OVEL ROMANO.

KO AGOR, NA KAMAVA POBUT TE VAKERAV, SOSE ISI LITERATURA KOTAR AKAVA BIDJUKO, KO TIHOMIR DJORDJEVIC, THAJ KO DR. PROF. DRAGOLJUB B. DJORDJEVIC ...

BAHTALO SA E ROMENGE O HERDELEZI!

SASTIPE VESTIPE THAJ PO BUT BAKREN TE CHINEN! ROMA TE ACHOVEN O ROMANIPE TE BARJAREN!

Ibrahim Osmani

Presevo